कापूस व सोयाबीन अनुदान  ई – केवायसी बाबत कृषी विभागाकडून शेतकऱ्यांना महत्त्वपूर्ण सूचना प्रसिध्द ..

by
Spread the love

@marathiprasar खुशी पवार प्रतिनिधी [ kapus & soyabean producer farmer anudan] : राज्यातील कापूस व सोयाबीन उत्पादक शेतकऱ्यांना मदत निधी देण्याचा निर्णय घेण्यात आला आहे ,  त्या अनुषंगाने राज्यातील सदर पीक उत्पादक शेतकऱ्यांना कमाल 10 हजार रुपये मर्यादेत अनुदान मिळणार आहे . याकरिता सोयाबीन व कापूस उत्पादक शेतकऱ्यांकडून अर्ज मागविण्यात आले होते , तर ज्या शेतकऱ्यांनी पीक पाहणी हे ॲप्स च्या माध्यमातून सन 2023 मधील सोयाबीन व कापूस पिकाची माहिती भरली होती ,  अशांना सदर अनुदानाची रक्कम मिळणार आहे .

सदर सूचनांमध्ये कृषी विभागाकडून नमूद करण्यात आली आहे की , जे शेतकरी नमो शेतकरी महासन्मान निधी योजनामध्ये नोंदणी केलेली आहे , त्यांना सदर योजनेच्या माध्यमातून ईकेवायसी करण्याची कोणत्याही प्रकारची आवश्यकता नसेल , त्यांना थेट लाभ हस्तांतरण करण्यात येणार आहे असे नमूद करण्यात आलेले आहे .

त्याचबरोबर फक्त कृषी विभागाने प्रसिद्ध केलेल्या यादीमधीलच शेतकऱ्यांना ई- केवायसी करावी लागेल,  त्याशिवाय त्यांना लाभ हस्तांतरण करता येणार नसल्याचे नमूद करण्यात आले आहेत .

त्याचबरोबर ज्या शेतकऱ्यांच्या आधारशी मोबाईल क्रमांक लिंक नाही , त्यांनी ई –  सेवा केंद्र वरती जाऊन ई – केवायसी पूर्ण करावी लागणार आहे , त्याशिवाय सदर पीक अनुदानाची रक्कम खात्यामध्ये वर्ग केली जाणार नाही .

त्याचबरोबर सदर योजनेच्या अनुषंगाने बऱ्याच फसवणाऱ्या लिंक पाठवले जाऊ शकतात , ज्यामुळे शेतकऱ्यांच्या आधार क्रमांक आणि ओटीपी हा कोणत्याही अनोळखी व्यक्ती सोबत शेअर करू नयेत , याबाबत काळजी घेण्याचे निर्देश देण्यात आली आहेत . ज्या माध्यमातून शेतकऱ्यांची फसवणूक होण्याची शक्यता अधिक असते .

Leave a Comment