मोबाईलमुळे आजकाल वाढताहेत अनेक प्रकारचे शारीरिक व मानसिक आजार ; जाणून घ्या सविस्तर !

@marathiprasar खुशी पवार प्रतिनिधी : आजच्या युगांमध्ये अत्यावश्यक गरजांमध्ये मोबाईल ही एक बाब अत्यावश्यक ठरत आहे . परंतु मोबाईल पासुन लोकांना अनेक प्रकारचे मानसिक व शारीरिक आजारांचा सामना करावा लागत आहे . लोकांना मोबाईलच्या अतिवापरांमुळे गंभीर स्वरुपाचे आजार होत आहेत .

शिवाय आजकाल लहान मुलांपासून ते मोठ्यांपर्यंत मोबाईल वापरण्याचे प्रमाण अधिक वाढत आहेत . जसे मोबाईलचे अनेक फायदे आहेत , त्या तुलनेत मोबाईलचे अनेक तोटे आहेत . जसे कि , आजकाल मोबाईल पासुन अत्यावश्यक माहितींचे आकलन घेण्यापेक्षा मनोरंजनासाठी अधिक वापर करीत आहेत , जसे कि मोबाईलचा वापर चॅटिंग करणे , व्हिडिओ पाहणे , सेल्फी घेवून सोशल मिडीया वर अपलोड करणे असे अनेक प्रकारचे मनोरंजनाकरीता वापर केला जात आहेत .

मोबाईलच्या माध्यमातुन आपणांस अनेक प्रकारच्या माहिती एका क्लिकवर मिळते , आपण जर गुगल वर एखादी माहिती सर्च केल्यास , हजारो माहितींचा भांडार आपल्यासाठी खुला होतो . परंतु आजकालची तरुण पिढी मोबाईलचा सदोपयोग करण्यापेक्षा वाईट गोष्टींसाठी अधिक वापर करतात . तज्ञांचे मते एका दिवसांमध्ये 3 तासांपेक्षा अधिक मोबाईलचा वापर होत असल्यास , आपणांस अनेक प्रकारचे आजार होण्याची शक्यता असते .

सेलफोनमधून उत्सर्जित होणारी किरणांपासून कर्करोगांसारखे गंभीर आजार होण्यास कारणीभूत ठरत आहेत . तसेच ह्रदय विकार सारखे क्रोनिक रोगांसाठी देखील कारणीभूत असतात . तसेच मोबाईलच्या अतिवापरांमुळे डोळ्यांचे विकार होत असतात , त्याचबरोबर मानसिक आरोग्य बिघडते , तसेच श्रेवणदोष निर्माण होत आहेत . म्हणून मोबाईलचा अतिवापर टाळावा .

मोबाईलचा अतिवापर कसा टाळावा : आपण ज्या प्रमाणे आठवड्यातुन एकदा उपवास करीत असतो , त्याप्रमाणे एक दिवस मोबाईलला वापरण्याचा उपवास करावा , तसेच अत्यावश्यक कामासाठीच मोबाईलचा वापर करावा , मनोरंजानासाठी मोबाईल पेक्षा मोठे स्क्रिन असणारे टि.व्ही , लॅपटॉपचा वापर करावा .

लहान मुलांना मोबाईल देण्यापेक्षा खेळणीचे साहित्य द्यावेत , जेणेकरुन लहान मुलांची योग्य प्रकारे शारीरिक व मानसिक वाढ होण्यास मदत होईल . अन्यथा मोबाईलच्या अतिवापरामुळे लहान मुलांच्या योग्य प्रकारे मानसिक वाढ होत नाही .