पोलिस प्रशासनांमध्ये 500 मनुष्यबळाच्या सेवा ह्या बाह्य यंत्रणेकडून घेण्यास गृह विभागाची मंजूरी ! GR दि.06.06.2024

@marathiprasar खुशी पवार प्रतिनिधी [ Police Department Recruitment From Outsourcing ] : राज्य शासनांच्या गृह विभागांतर्गत येणाऱ्या मिरा – भाईंदर – वसई – विरार पोलिस आयुक्तालयाच्या आस्थापनेवर 500 मनुष्यबळाच्या सेवा ह्या बाह्य यंत्रणेकडून घेण्यास गृह विभागाच्या दिनांक 06 जुन 2024 रोजीच्या निर्णयानुसार मान्यता देण्यात आलेली आहे .

मिरा – भाईंदर , वसई – विरार पोलिस आयुक्तालय अंतर्गत पोलिस शिपाई पदे विहीत मार्गाने भरण्याची कार्यवाही पुर्ण होई पर्यंत 11 महिन्यांच्या कालावधीकरीता 500 मनुष्यबळाच्या सेवा MSF मंडळाकडून घेण्याकरीता मान्यता देण्याची बाब राज्य शासनांच्या विराधीन होती .

पोलिस अधिक्षक , ठाणे ग्रामीण व पालघर घटकाचे विभाजन केल्याने नव्याने निर्माण करण्यात आलेल्या मिरा – भाईंदर वसई – विरार पोलिस आयुक्तालय अंतर्गत पोलिस शिपाई पदे विहीत मार्गाने भरण्याची कार्यवाही पुर्ण होईपर्यंत 500 मनुष्यबळाच्या सेवा ह्या महाराष्ट्र राज्य सुरक्षा मंडळाकडून ( MSF ) घेण्याकरीता दिनांक 01 एप्रिल 2024 ते दिनांक 28 फेब्रुवारी 2025 या कालावधी पर्यंत मुदतवाढ देण्यास सदरच्या निर्णयानुसार मान्यता प्रदान करण्यात येत आहेत .

सदरची मान्यता ही वित्त विभागाच्या उपसमितीच्या दिनांक 27 मे 2024 रोजीच्या शिफारसीस अनुसरुन देण्यात आलेली आहे . सदरच्या बाबीकरीता येणारा खर्च हा बी-1 , 2055 पोलिस या मुख्य लेखा शिर्षांतर्गत 109 ( 00) (01) 2055 0168 जिल्हा पोलिस बल या उपलेखा शिर्षाखाली 10 – कंत्राटी सेवा या लेखाशिर्षातुन चालु आर्थिक वर्षाच्या मंजूर अनुदानातुन खर्च करण्याचे निर्देश देण्यात आलेले आहेत .