राज्यातील शाळा 15 जुन पासून सुरु होणार , तर शिक्षक – कर्मचाऱ्यांना 12 जुन पासून हजर रहावे लागणार !

@marathiprasar खुशी पवार प्रतिनिधी [ School Start Timing News ] : राज्यातील शाळा ह्या यंदाच्या शैक्षणिक वर्षात दिनांक 15 जुन पासून सुरु होणार आहेत , तर शाळामधील पुर्व तयारी म्हणून शिक्षक – कर्मचाऱ्यांना तीन दिवस अगोदरच शाळेमध्ये हजेरी लावावी लागणार आहे . तर विदर्भातील शाळा ह्या तीव्र उन्हांमुळे थोड्या उशिरा भरणार आहेत .

राज्यातील सरकारी यंत्रणांमधील कार्यरत सर्व शाळा ह्या दिनांक 15 जुन वार शनिवार पासुन सुरु होणार आहेत . तर विदर्भातील शाळा ह्या 01 जुलै पासुन सुरु होणार असल्याचे वेळापत्रक संबंधित विभाग प्रमुखांकडून काढण्यात आलेले आहेत . शाळा सुरु होण्याच्या ३ दिवस अगोदर शिक्षक – कर्मचाऱ्यांनी शाळा पुर्व तयारी करण्यासाठी शाळेंमध्ये हजर राहण्याचे निर्देश देण्यात आलेले आहेत .

म्हणजेच शिक्षक – कर्मचाऱ्यांनी दिनांक 12 जुन पासुन ते 14 जुन पर्यंत शाळांमध्ये हजर रहायचे आहेत , तर विदर्भातील शिक्षक – कर्मचाऱ्यांनी 28 ते 30 जुन पर्यंत शाळेंमध्ये शाळा पुर्व तयारीकरीता हजर रहायचे आहेत .

सदर तीन दिवस अगोदर शाळा परिसर , वर्गखोल्या , प्रयोगशाळा , ग्रंथालय , मुख्याध्यापक कार्यालये , वाचनालयाची स्वच्छता तसेच मैदाने , किचन शेड स्वच्छता करण्याचे काम करण्याचे निर्देश प्राथमिक शिक्षणाधिकरी तसेच संबंधित विभागाच्या विभाग प्रमुखांकडून देण्यात आलेले आहेत .

याशिवाय सदर शाळा पुर्वतयारी मध्ये एकुण 08 समित्यांची निवड करण्यात यावेत , असे सुचित करण्यात आलेले आहेत , ज्यांमध्ये पालक , विद्यार्थी तसेच शिक्षक – कर्मचाऱ्यांचा समावेश असणार आहेत . समितीमध्ये शालेय पोषण आहार , परिवहन , शाळा व्यवस्थापन समिती , माता पालक समिती , शिक्षक पालक संघ , विशाखा समिती , तक्रार निवारण समिती , सखी सावित्री समिती अशा विद्यार्थ्यांच्या सोयी -सुविधा / गुणवत्ता वाढीसाठी समितीचे गठण करण्याचे निर्देश देण्यात आलेले आहेत .