इयत्ता दहावीचा निकाल दिनांक 27 मे रोजी , असा पाहता येईल निकाल !

@marathiprasar खुशी पवार प्रतिनिधी : इयत्ता बारावीचा निकाल नुकताच लागला असून , इयत्ता दहावीचा निकाल येत्या सोमवारी दिनांक 27 मे 2024 रोजी निर्गमित होणार असल्याची बातमी बोर्डाच्या वरिष्ठ अधिकाऱ्यांकडून दिली आहे . यामुळे दहावीच्या विद्यार्थ्यांना निकालाची ओढ अधिकच लागली आहे .

राज्याचे शालेय शिक्षण मंत्री दीपक केसरकर यांनी दहावीचा निकाल दिनांक 27 मे रोजी जाहीर होणार असल्याची बातमी प्रसार माध्यमांना दिली होती , याबाबत बोर्डाच्या वरिष्ठ अधिकाऱ्यांकडून माहिती घेतली असता बोर्डाचा निकाल दिनांक 27 मे 2024 रोजीच प्रसिद्ध होणार असल्याची बातमी समोर येत आहे .

निकाल येत्या सोमवारी जाहीर करण्याकरिता बोर्डाकडून युद्धपातळीवर कामकाज सुरू आहे , विद्यार्थ्यांना ग्रेस पासिंग साठी देण्यात येणाऱ्या चित्रकला , क्रीडा, त्याचबरोबर लोककलेच्या गुणांची पडताळणी बोर्डाकडून सुरू आहे . यंदाच्या वर्षी राज्यातील तब्बल 15 लाख विद्यार्थ्यांनी इयत्ता दहावी बोर्ड परीक्षा दिली आहे . दरवर्षीप्रमाणे यंदा देखील बेस्ट ऑफ फाईव्ह नुसार दहावीचा निकाल जाहीर करण्यात येणार आहे .

या वर्षीपासून नवीन शैक्षणिक धोरण लागू करण्यात येणार असल्याने , दरवर्षीपेक्षा यंदाच्या वर्षी दहावीचा निकाल लवकर प्रसिद्ध केला जाणार आहे . त्याचबरोबर अनुत्तीर्ण विद्यार्थ्यांना पुरवणी परीक्षा दीड महिन्यामध्ये घेण्यात येणार असल्याची बातमी समोर येत आहे .

दोन विषयात अनुत्तीर्ण झाले तरी मिळणार अकरावीमध्ये प्रवेश : दहावी मध्ये कोणत्याही दोन विषयात अनुत्तीर्ण झाले असल्यास , अकरावीच्या कला शाखेमध्ये प्रवेश घेता येते . तर अनुत्तीर्ण विषय जुलैमध्ये होणाऱ्या  परीक्षेत अथवा मार्चमध्ये होणाऱ्या परीक्षेत सदर विद्यार्थ्यास पास व्हावेच लागेल , अथवा सदर विद्यार्थ्यास इयत्ता बारावी मध्ये प्रवेश घेता येत नाही .

निकाल कसा पाहावा : mahresult.nic.in  या संकेतस्थळावर निकाल पाहता येईल