राज्यातील शेतकऱ्यांना नुकसान भरपाई मदतीचे वाटप दिनांक 30 जुन 2024 पर्यंत पुर्ण करण्याचे CM शिंदे यांचे सर्व जिल्हा प्रशासनास निर्देश !

@marathiprasar खुशी पवार प्रतिनिधी [ farmer help instraction to all district collector ] : राज्यातील सर्व जिल्हा प्रशानांस मुख्यमंत्री एकनाथ शिंदे यांच्याकडून निर्देश दिले आहे कि , दिनांक 30 जुन 2024 पर्यंत शेतकऱ्यांना नुकसान भरपाईची मदत वाटप प्रक्रिया पुर्ण करावेत .

राज्यातील शेतकऱ्यांना नैसर्गिक आपत्ती तसेच शेती नुकसान भरपाई याकरीता झालेल्या नुकसानीची भरपाई करीता मदतीचे वाटप दिनांक 30 जुन 2024 पर्यंत करण्यात यावेत .शेतकऱ्यांना मदत निधी वेळेवर मिळायला पाहिजे याकरीता , राज्यातील सर्व जिल्हा प्रशासन विभागांना निर्देश देण्यात आलेले आहेत . तसेच क्षेत्रीय अधिकाऱ्यांमार्फत घेण्यात आलेल्या निर्णयाची अंमलबजावणी तात्काळ करण्याचे निर्देश देखील देण्यात आलेले आहेत .

त्याचबरोबर बियाणे , खते यांची लिंकेज करणाऱ्या विक्रेत्यांबरोबरच कंपन्यांवर देखिल कठोर कारवाई करण्याचे निर्देश मा.मुख्यमंत्रांकडून देण्यात आलेले आहेत . काल दि.25 जुन रोजी सह्याद्री अतिथीगृहावर झालेल्या बैठकीमध्ये खरीप हंगामाचा आढावा घेण्यात आला असून , सदर बैठकीचा राज्याचे दोन्ही उपमुख्यमंत्री , महसूलमंत्री , सहकार मंत्री तसेच कृषी मंत्री तसेच मृदा व जलसंधारण मंत्री तसचे राज्याचे मुख्य सचिव सह संबंधित विभागाचे अपर मुख्य सचिव उपस्थित होते .

यावेळी मा.एकनाथ शिंदे संबोधित करीत असताना म्हणाले कि , शेतकरी हा आपल्या देशाच्या अर्थव्यवस्थेचा कणा आहे , म्हणून सरकारकडून शेतकऱ्यांच्या समृद्धी करीता घेण्यात आलेल्या निर्णयाची तातडीने अंमलबजावणी करण्याचे निर्देश देण्यात आलेले आहेत . तसेच यावेळी संबोधित करताना सांगितले कि , राज्यातील कृषी विद्यापीठांनी नविन संशोधनावर भर देण्याचे निर्देश देण्यात आले आहेत .

तसेच राज्यांमध्ये ज्या भागात कमी पाऊस ( 25 टक्क्यांपेक्षा कमी ) झालेला आहे , अशा तालुके तसेच जिल्ह्यांवर विशेष लक्ष केंद्रीत करण्याच्या सुचना देण्यात आलेले आहेत . तसेच खरीप हंगामांमध्ये शेतकऱ्यांना बीयाणे तसेच खते व अन्य कृषी घटकांची तुटवडा भासू नये याकरीता राज्य कृषी विभागांकडून संपुर्ण नियोजन करण्यात आलेले आहेत . तर बियाणे , खतांची साठेबाजी अथवा लिंकिंग होत असल्यास , त्या बाबतची तक्रार 9822446655 या व्हॉट्सॲप क्रमांवर मॅसेज करण्याचे आव्हान कृषीमंत्री श्री.धनंजय मुंडे यांच्याकडून यांच्याकडून करण्यात आले आहेत .