राज्यांमध्ये मुंबई , ठाणे , पालघर सह पश्चिम महाराष्ट्रात पुढील चार दिवस मुसळधार पावसाची शक्यता !

@marathiprasar खुशी पवार प्रतिनिधी [ Maharashtra State Rain update News ] : भारतीय हवामान खात्यांकडून मिळालेल्या अंदाजानुसार महाराष्ट्र राज्यातील मुंबई , ठाणे , पालघर सह पश्चिम महाराष्ट्रात पुढील चार दिवस मुसळधार पावस पडणार आहे .

नैऋत्य मौसमी वाऱ्यांपासुन दिनांक 08 जुन पासुन राज्यात मान्सून हजेरी लावणार आहे , त्यापुर्वी राज्यांमध्ये अवकाळी पावसाची दाट शक्यता आहे . सध्य स्थितीमध्ये नैऋत्य मौसमी वारे केरळमध्ये पोहोचले असून ,हळू – हळू हे वारे उत्तर दिशेला सरकत आहेत . यामध्ये हे वारे सह्याद्रीच्या पर्वताला अडून कोकणांमध्ये प्रथम मान्सुनची सुरुवात होणार आहे .

तत्वपुर्वी राज्यांमध्ये प्रचंड उष्णतेच्या परिणांमुळे अवकाळी पाऊस पडत आहे , कालपासुन राज्यात मराठवाड्यातील काही भागांमध्ये अवकाळी पावसाचे जोरदार हजेरी लावली आहे . अशातच आता राज्यातील मुंबई , पालघर , ठाणे तसेच पश्चिम महाराष्ट्रातील नाशिक , नगर , धुळे , नंदुरबार , जळगाव , पुणे , सातारा , सांगली भागांमध्ये पुढील चार दिवसात  मुसळधार पावसाची शक्यता भारतीय हवामान खात्यांकडून वर्तविण्यात आलेली आहे .

पुढील चार दिवसांमध्ये राज्यातील जवळपास सर्वच जिल्ह्यांमध्ये किरकोळ प्रमाणात पावस पडेल तर काही जिल्ह्यांमध्ये ढगाळ वातावरण राहील , असा अंदाज भारतीय हवामान खात्यांकडून वर्तविण्यात आलेला आहे .

दरम्यानच्या कालावधीमध्ये वाऱ्याचा वेग हा 40 ते 50 किमी प्रति तास असणार असल्याचा अंदाज वर्तविण्यात आलेला आहे . वाऱ्याचा वेग प्रचंड असल्याने ,शेतकऱ्यांचे नुकसान होण्याची शक्यता वर्तविण्यात आली आहे .