आगामी विधानसभा निवडणुका 2024 आरक्षणांच्या मुद्द्यावरुन गाजणार ? असे असणार राज्याचे राजकीय चित्र !

@marathiprasar प्रतिनिधी [ Maharashtra vidhansabha election 2024 ] : महाराष्ट्र राज्याचे विधानसभा निवडणुका 2024 येत्या नोव्हेंबर -डिसेंबर महिन्यामध्ये होणार आहेत , तर त्या अनुषंगाने राज्यांमध्ये राजकीय वातावरण तयार होत असल्याचे दिसून येत आहेत . एका बाजुने मनोज जरांगे पाटील हे मराठा आरक्षणांसाठी पुन्हा एकदा उपोषण सुरु केले आहेत .

तर दुसरीकडे ओबीसी आरक्षण बचावासाठी लक्ष्मण हाके व त्यांचे सहकारी नवनाथ वाघमारे उपोषणास बसले होते , सदरच्या उपोषणाला राज्य सरकारचे शिष्टमंडळांनी भेट देवून मागण्या मान्य करण्यात येणार असल्याचे आश्वासन दिल्याने , सदरचे ओबीसी आरक्षण बचाव उपोषणांस उपोषण कर्ते लक्ष्मण हाके व त्यांचे सहकारी नवनाथ वाघमोर यांनी स्थिगिती दिली आहे .

येत्या विधानसभा निवडूकांमध्ये आरक्षणांचा मुद्दा अधिकच गाजणार असल्याचे दिसून येत आहेत , कारण मराठा आरक्षणांच्या मुद्द्यावरच बीड लोकसभा मतदारसंघातुन बजरंग सोनवणे यांना मनोज जरांगे पाटलांनी पाठिंबा दिल्याने त्यांचा विजय झाल्याचे मिडीयामध्ये मोठी चर्चा आहे . तर आगामी विधानसभा निवडणुकांमध्ये मनोज जरांगे पाटील अधिकच सक्रिय होणार असल्याचे दिसून येत आहेत .

शिवाय मनोज जरांगे पाटील हे आगामी विधानसभा निवडणुकांमध्ये अपक्ष उमेदवार उभा करु शकतील असा अंदाज व्यक्त करण्यात येत आहेत , लोकसभा निवडणुकांमध्ये शरद पवार गटांस मनोज जरांगे पाटीलांनी मदत केल्याने , ते महाविकास आघाडी पक्षासोबत युती करुन आपले उमेदवार उभा करु शकतील असाही अंदाज व्यक्त करण्यात येत आहेत .

पंकजा मुंडे यांच्या पराभवानंतर ओबीसी आरक्षण बचाव मोहीमेत अधिक सक्रिय झाल्या आहेत .यामुळे पंकजा मुंडे या परत विधानसभेला तयारीत लागल्याचे मिडीयामध्ये चर्चा सुरु आहेत . यंदाच्या विधानसभेच्या निवडणुका मध्ये मराठा आरक्षण विरुद्ध ओबीसी आरक्षण बचाव या मुद्दा अधिकच गाजणार असल्याचे दिसून येत आहेत .

शिवाय राज्यातील लोकसभा निवडणुकांचा निकाल पाहता , विधानसभेत देखिल उद्धव ठाकरे गट , शरद पवार गटांस अधिक जागा मिळण्याच्या शक्यता वर्तविल्या जात आहेत .