व्यवसाय करण्यासाठी महिलांना अत्यल्प दरात वैयक्तिक कर्ज व्याज परतावा योजना ; जाणून घ्या सविस्तर !

by
Spread the love

@marathiprasar खुशी पवार प्रतिनिधी [ women low rate loan facility for business ] : राज्य शासनाच्या वैयक्तिक कर्ज व्याज परतावा योजना अंतर्गत महिलांना दहा लाख रुपये पर्यंत गुंतवणुकीची मर्यादा असणाऱ्या प्रकल्प करीता अर्थसहाय्य उपलब्ध करून देण्यात येते , याकरिता राष्ट्रीयकृत बँकेचा सहभाग हा 60% असून , अर्जदाराकरिता 5% रक्कम स्वतःचा सहभाग म्हणून भरावयाचा असतो .

बँकेने मंजूर केलेल्या प्रकल्प रकमेच्या एकूण 35%  रक्कम महामंडळ मार्फत बीज भांडवल म्हणून देण्यात येते .  सदर 35%  रकमेवर 4% व्याज आकारण्यात येतो.  बीज भांडवल कर्ज योजनेच्या परतफडीचा कालावधी हा 05 वर्षे इतका असून,  बँकेने कर्ज वितरित केल्यानंतर त्वरित दुसऱ्या महिन्यापासून महामंडळाच्या बीज भांडवलाच्या वसुली सुरू करण्यात येते . बीज भांडवल वसूल हप्त्याची आगाऊ धनादेश अर्जदारामार्फत घेतले जाते .

सदर योजनेच्या माध्यमातून महिलांना स्वतःचा व्यवसाय करण्यासाठी अत्यल्प व्याजदरामध्ये कर्ज उपलब्ध होते , शिवाय परतफेडी  करिता 05 वर्षे इतका कालावधी मिळतो . ज्यामुळे महिलांना सदर योजने अंतर्गत व्यवसाय करण्यासाठी मोठ्या आर्थिक लाभ होतो .

सदर योजने अंतर्गत लाभ घेण्यासाठी आवश्यक कागदपत्रे : सदर योजना अंतर्गत लाभ घेण्याकरिता रहिवासी पुरावा , आधार कार्ड,  उत्पन्नाचा पुरावा ( यामध्ये उत्पन्नाचा दाखला त्याच्या किंवा पतीच्या नावे असणारे उत्पन्नाचे दाखले ) जातीचा दाखला हे कागदपत्र आवश्यक असतील .

योजनाचा लाभ कसा घेण्यात यावा : सदर योजना अंतर्गत लाभ घेण्याकरिता आपल्या जिल्ह्याच्या अण्णासाहेब पाटील आर्थिक मागास विकास महामंडळ कार्यालयास संपर्क साधावा  . अथवा mahaswayamrojgar.maharashtra.gov.in या संकेतस्थळावर ऑनलाइन पद्धतीने आवेदन सादर करण्याची सुविधा उपलब्ध करून देण्यात आली आहे .

Leave a Comment