शेअर बाजारामध्ये गुंतवणूक करणाऱ्यांसाठी महत्त्वपूर्ण अपडेट ; मार्केट आणखीन घसरण्याचा अंदाज !

by
Spread the love

@marathiprasar खुशी पवार प्रतिनिधी [ share Market investment update ] : शेअर बाजारामध्ये गुंतवणूक करणाऱ्या करणाऱ्यांसाठी आताशी मोठी महत्त्वपूर्ण अपडेट समोर येत आहे , ती म्हणजे शेअर बाजारामध्ये आणखीन उतरता आलेख पाहायला मिळणार असल्याचा अंदाज तज्ञांनी दिला आहे .

तज्ञांनी दिलेल्या अंदाजानुसार शेअर बाजारामध्ये आणखीन उतरता आलेख दिसून येणार आहे , कारण भारतीय बाजारातील विदेशी गुंतवणूक हळूहळू मोठ्या प्रमाणात कमी होत आहे . यामुळेच शेअर बाजार उतरत्या स्थितीवर आहे . आज रोजी शेअर बाजारामध्ये सलग पाचव्या दिवशी उतरता आलेख दिसून आला आहे .

आज रोजी निफ्टी अंकामध्ये  35 अंकांची घसरण होऊन निफ्टी 23,523 अंकावर व्यवहार करत आहे . तर सेन्सेक्स मध्ये आज 163.03 अंकांची घसरण पाहायला मिळाली व सेन्सेक्स 77,527 अंकावर व्यापार करीत आहे . यामुळेच भारतीय बाजारातील गुंतवणूकदारांना मोठ्या प्रमाणात आर्थिक नुकसानीचा सामना करावा लागत आहे .

झी बिझनेसचे ( अँकर – Zee Business) शेअर मार्केट तज्ञ अनिल सिंघवी यांनी दिलेल्या माहितीनुसार , शेअर बाजार घसरण्याची ही तिसरी स्टेज आहे . याचे मुख्य कारण देताना म्हणाले की अमेरिकेमध्ये डोनाल्ड ट्रम्प यांच्या विजयानंतर फक्त अमेरिकन मार्केटमध्ये मोठी वाढ दिसून येत आहे , तर इतर  देशाच्या मार्केटला उतरती कळा लागल्या आहेत .

तर विदेशी गुंतवणूकदार अमेरिकन मार्केटमध्ये गुंतवणूक करीत आहेत .  ज्यावेळी अमेरिकन शेअर बाजारात घसरण होईल , त्यावेळेस भारतीय शेअर मार्केटमध्ये चढता आलेख दिसून येईल , असा अंदाज आहे.

शेअर बाजारामध्ये आणखीन घट होईल , या भीतीने गुंतवणूकदार तोट्यामध्येच पैसे काढत असल्याने , शेअर बाजारामध्ये आणखीन घसरता आलेख दिसून येत आहे .  अशा परिस्थितीत गुंतवणूकदारांनी “वेट अँड वॉचची”  भूमिका घेऊनच नव्याने गुंतवणूक करावी , असा सल्ला तज्ञांनी दिला आहे .

Leave a Comment