घरगुती विज  ग्राहकांसाठी अभय योजना अंतर्गत बिलामध्ये सवलत ; जाणून घ्या सविस्तर

by
Spread the love

E-marathipepar संगीता पवार प्रतिनिधी [ mahavitarana abhay yojana ] :   राज्यातील घरगुती , औद्योगिक त्याचबरोबर व्यापारी वीज ग्राहकाकडून थकबाकी मोठ्या प्रमाणात वाढत असल्याने , महावितरण कंपनीकडून सदर थकबाकीची वसुली करण्याचे कामकाज युद्धपातळीवर सुरू आहे . ज्यांची थकबाकी आहे , अशा ग्राहकांना पूर्णपणे वीज पुरवठा खंडित करून , थकबाकीची वसुली केली जात आहे .

अशा वीज पुरवठा खंडित झालेल्या ग्राहकांकरिता अभय योजना अंतर्गत दिलासा मिळणार आहे , यामध्ये जे ग्राहक शंभर टक्के मूळ थकबाकीची भरणा करेल , त्यांना व्याजासह दंड माफ केला जाणार आहे . यामुळे ग्राहकांनी केवळ मूळ थकबाकी भरावी लागेल , व्याजाची रक्कम सदर योजने अंतर्गत सरसकट 100% माफ केले जाईल .

यामुळे ज्यांची थकबाकी मुळे वीजपुरवठा खंडित करण्यात आला आहे , अशांनी सदर अभय योजना अंतर्गत लाभ घेऊन , मूळ थकबाकीची रक्कम भरणा करण्यात यावी . सदर थकबाकीची भरणा केल्यानंतर , महावितरण कंपनीकडून सदर ग्राहकांची वीज पुरवठा सुरळीत करण्यात येईल व व्याजाचा दंड माफ करण्यात येईल .

राज्यामध्ये सर्वाधिक थकबाकी असणाऱ्या जिल्ह्यात सांगली,  सातारा , कोल्हापूर या जिल्ह्यांचा समावेश आहे .  जास्त बाकी असणाऱ्या ग्राहकांची महावितरण कंपनीकडून विज पुरवठा खंडित करण्यात आलेला आहे . दिनांक 31.03.2024 पर्यंत थकबाकी व त्यावरील दंड ग्राह्य धरून , दिनांक 1.09.2024 ते दिनांक 30.11.2024  या कालावधीमध्ये सदर योजना अंतर्गत लाभ घेऊन , खंडित झालेला वीज पुरवठा परत सुरळीत करून घेण्याचे निर्देश देण्यात आले आहेत .

त्याचबरोबर सदर योजना अंतर्गत मूळ थकबाकीची 30% रक्कम भरून उर्वरित रकमा पुढील 06 हप्त्यामध्ये भरण्याची सवलत देखील देण्यात येणार आहे . यामुळे ग्राहकांना 10% अतिरिक्त सवलत मिळणार आहे .

Leave a Comment