मुख्यमंत्री सहाय्यता निधीचा वापर कोण-कोणत्या कारणांसाठी केला जातो ? जाणून घ्या सविस्तर !

@marathiprasar खुशी पवार प्रतिनिधी : मुख्यमंत्री सहाय्यता निधीचा वापर हा मुख्यमंत्री यांच्या अधिनस्त असणारी बाब असून , सदर सहाय्यता निधीमधून मुख्यमंत्री त्यांच्या सहीने काही विशिष्ट उद्दिष्ट्ये समोर ठेवून , नागरिकांना आर्थिक मदत केली जाते .

या मुख्यमंत्री सहाय्यता निधीचा मुख्य उद्देश म्हणजे आर्थिक अथवा अन्य स्वरुपातील मदत तात्काळ करणे . यांमध्ये आपल्या राज्यातील अथवा देशातील नैसर्गिक आपत्तींमधील आपत्तीग्रस्तांना सहाय्य करण्यासाठी निधीचा वापर केला जावू शकतो . तसेच जातीय दंगलीमध्ये मृत व्यक्तींच्या वारस दारांना त्याचबरोबर ज्यांना दुखापत झाली आहे व / अथवा ज्यांच्या मालमत्तेचे नुकसान झाले आहे , अशा नागरिकांना मदत केली जाते .

दहशतवादी हल्यांमध्ये मरण पावलेल्या अथवा दुखापत झालेल्या व्यक्तींच्या वारसांना सदर मुख्यमंत्री सहाय्यता निधीमधून मदत केली जाते . रुग्णांना उपचार तसेच शस्त्रक्रिया करण्याकरीता अपघाती मरण पावलेल्या ( यांमध्ये मोटार / रेल्वे / विमान / जहाज अपघात वगळता ) व्यक्तींचा वारसांना आर्थिक मदत केली जाते .

तसेच शैक्षणिक , सांस्कृतिक चर्चासत्रे व संमेलने तसेच सामाजिक कार्यक्रमे आयोजनासाठी सदर निधीचा वापर केला जातो . तसेच आर्थिक अथवा अन्य स्वरुपात मदतीची आवश्यकता असणाऱ्या विविध संस्थांना मदत केली जाते .

त्याचबरोबर शैक्षणिक आणि वैद्यकीय आस्थापनांच्या इमारती बांधण्याकरीता अंशत : आर्थीक अथवा अन्य स्वरुपात मदत केली जाते . सदर सहाय्यता निधीमधून लाभ घेण्याकरीता cmrf.maharashtra.gov.in/ या संकेतस्थळावर आवेदन सादर करु शकता ..